Үйлчилгээний нөхцөл

1 Үйлчилгээ

• Энэ сайтын агуулгыг унших, үзэхийн тулд бүртгүүлж нэвтэрсэн байх ба эрх авсан байх шаардлагатай. Эрх авснаар та идэвхтэй хугацаандаа зохиол, манга, дунхуа, кино, аудио номыг уншиж, үзнэ.
• Эрх авах, төлбөр төлөхөөс өмнө энэхүү нөхцөлийг уншиж танилцана уу. Үйлчилгээг ашигласнаар та нөхцөлийг хүлээн зөвшөөрсөнд тооцогдоно.

2 Бүртгэл

• Бүртгэл үүсгэхэд бид таны нэр, и-мэйл хаяг болон нууц үгийг хадгална. Нууц үгийг сэргээх боломжгүй хэлбэрээр шифрлэж хадгалдаг бөгөөд бид түүнийг харах боломжгүй.
• Төлбөрийн картын мэдээллийг бид хэзээ ч хүлээн авч, хадгалдаггүй — гүйлгээ нь төлбөрийн үйлчилгээ үзүүлэгчийн талд явагдана. Бидэнд зөвхөн гүйлгээний дүн, огноо, төлөв ирнэ.
• Та өөрийн профайл хуудаснаас нэр, и-мэйл, нууц үгээ өөрчлөх боломжтой.

3 Эрхийн төрөл

Бүртгэл

Ямар ч бүлэг, ангийг унших, үзэхийн тулд бүртгүүлж нэвтэрсэн байх шаардлагатай.

Багц эрх

Хугацаатай эрх. Идэвхтэй байх хугацаандаа багцад хамрагдсан бүх бүлэг, ангид нэмэлт төлбөргүй хандана. Хугацаа дуусахад эрх автоматаар хаагдана.

Ангийн түрээс

Тухайн нэг бүлэг, ангийг төлбөр төлж тогтоосон хоногийн турш нээнэ. Хоног дуусахад эрх автоматаар хаагдана. Бүлэг, ангийг бүрмөсөн эзэмших боломжгүй.

Түрээсийн төлбөр нь таны хэтэвчнээс хасагдах бөгөөд үлдэгдэл хүрэлцэхгүй бол зөрүүг QPay-ээр шууд төлж болно. Үнэ болон нээлттэй байх хоног нь бүлэг, анги тус бүр дээр тусад нь тавигддаг бөгөөд тухайн ангийн хуудсан дээр харагдана.

4 Сүнслэг чулуу ба төлбөр

• Сүнслэг чулуу дүүргэсний дараа түүгээр бүлэг, анги түрээслэх буюу багц эрх авна. 100₮ нь 1 сүнслэг чулуутай тэнцэнэ. Үлдэгдэл болон хийгдсэн бүх гүйлгээ Төлбөр хуудсанд харагдана.
• Банкны аппликэйшнаар төлбөрөө төлсний дараа сайт руугаа буцаж орж гүйлгээний төлвөө шалгана уу. Хэрэв гүйлгээ хийгдсэн боловч эрх нээгдээгүй бол гүйлгээний дугаартайгаа бидэнтэй холбогдоно уу.
• Сүнслэг чулууг бэлэн мөнгө болгон буцаан олгохгүй.

5 Эрхийн хязгаар

• Нэг бүртгэлийг нэг хэрэглэгч ашиглана. Бүртгэлээ бусдад дамжуулах, түрээслэх, зарахыг хориглоно.
• Нэг бүртгэлээр олон төхөөрөмжөөс нэгэн зэрэг орох тал дээр хязгаарлалт хийгдэж болзошгүй бөгөөд өөрчлөлт орсон тохиолдолд урьдчилан мэдэгдэнэ.
• Нөхцөлийг зөрчсөн тохиолдолд бид эрхийг түдгэлзүүлэх буюу бүртгэлийг хаах эрхтэй.

6 Буцаалт

• Андуурч хийсэн давхар гүйлгээ, техникийн алдаанаас болж хаагдсан эрхийг шалгаж сэргээнэ.
• Эрх авч, контентод хандсаны дараа "таалагдсангүй" гэсэн үндэслэлээр төлбөрийг буцаан олгохгүй.
• Буцаалтын хүсэлтийг гүйлгээ хийгдсэнээс хойш 14 хоногийн дотор, гүйлгээний дугаарын хамт ирүүлнэ үү.

7 Хориглох үйлдэл

• Бусдыг доромжлох, гүтгэх, заналхийлэх.
• Бүртгэлээ бусдад дамжуулан наймаалцах.
• Сайт дээрх агуулгыг татаж авч тараах, өөр платформ дээр дахин байршуулах. Санал бодлоо илэрхийлэх зорилгоор хэсэгчлэн иш татахыг хориглохгүй.
• Сайтын хамгаалалтыг тойрох, автомат хэрэгслээр их хэмжээгээр татах оролдлого хийх.

8 Оюуны өмч

• Бид оюуны өмчийн эрхийг хүндэтгэдэг. Хэрэв энэ сайтад таны бүтээл зөвшөөрөлгүй байршсан бол бидэнтэй холбогдоно уу — шалгаад нэн даруй арга хэмжээ авна.
• Эх бүтээлийн эрх нь тухайн зохиогч, эрх эзэмшигчид хамаарна. Орчуулга нь орчуулагч болон бидний өмч тул хуулбарлан тараахыг хориглоно.

9 Нөхцөлийн өөрчлөлт

Энэхүү нөхцөлд өөрчлөлт орсон тохиолдолд шинэчилсэн огноог энэ хуудсан дээр тэмдэглэнэ. Чухал өөрчлөлтийн талаар урьдчилан мэдэгдэхийг хичээнэ.